སྟོན་ཁ་ནམ་མཁའ་སྔོ་ལ་དྭངས་བ་དང་།    རི་ཀླུང་ཚང་མ་སེར་ཐིང་ངེར་གནས་འདུག         ང་ཚོའི་སློབ་གྲྭའི་ཉེ་འགྲམ་དུ་རྫིང་བུ་ཆུང་ཆུང་ཞིག་ཡོད་པ་དང་།       དེའི་འགྲམ་ན་ལྗོན་ཤིང་ཞིག་ཡོད་པས། དེའི་ལོ་མ་རྣམས་སེར་པོ་ཆགས་ཏེ་བསྐྱུར་ནས་དྭངས་གཙང་གི་ཆུ་ནང་དུ་ལྷུང་བཞིན་འདུག       ཉ་ཆུང་རྣམས་ཆུ་ནང་དུ་འཁྱུག་བགྲོད་བྱེད་ཅིང་། ལ་ལ་ལོ་མའི་འོག་ཏུ་ཡིབས་ནས་སྡོད་པ་དང་། འགའ་ཤས་མཆོང་ལྡིང་བྱེད་པ་སོགས་རང་རང་གི་རྩལ་ངོམས་བཞིན་ཡོད། ལོ་མ་ཁ་ཤས་ཆུ་འགྲམ་དུ་ལྷུངས་ནས་དེའི་ཐོག་གྲོག་མ་མང་པོ་ཕར་ལྟུག་ཚུར་ལྟུག་བྱེད་བཞིན་འདུག

སྐབས་དེར་ཞིང་པ་རྣམས་དགའ་སྤྲོའི་གླུ་དབྱངས་ལེན་བཞིན་བཙས་མ་བརྔ་བ་དང་།    ལོ་ཏོག་དབོར་བ།    གཡུལ་ལས་གཏོང་བ་སོགས་སྤྲོ་སྣང་གི་སྣམ་པས་ཁེངས་འདུག

གློ་བུར་དུ་བར་སྣང་མཐོངས་སུ་ཁུག་རྟ་གཉིས་འཕུར་ཡོང་ཞིང་།       དེ་གཉིས་ཤིས་ཞིང་པ་རྣམས་ལོ་ལེགས་ཀྱི་འབྲས་བཟང་བསྡུ་བ་དང་ལྗོན་ཤིང་གི་ལོ་མ་རྣམས་སེར་པོར་གྱུར་ནས་བསྐྱུར་བ་མཐོང་ཚེ་ང་ཚོ་ལྷོ་ཕྱོགས་སུ་ལོག་དགོས་པའི་བརྡ་འབྱོར་སོང་ཟེར་བ་ལྟ་བུའི་གསུང་སྙན་གྲོགས་བཞིན་འཕུར་སོང་།